Infektimet ne SHBA drejt nje piku te dyte | Lajme - News

Shtetet e Bashkuara po i afrohen kulmit të dytë të pandemisë së COVID-19. Afro 39 mijë të infektuar të rinj iu shtuan listave të të prekurve me koronavirus gjatë 24 orëve të fundit.

Tashmë vatrat e nxehta janë zhvendosur në jug, ku shumica e rasteve të reja janë regjistruar në Teksas, Kaliforni dhe Arizonë.

Autoritetet në këto vende u kanë bërë thirrje banorëve që të vetëizolohen, nëse kanë shenja infektimi. Shumica e shteteve federale amerikane kanë bllokuar hyrjen nga këto rajone.

Shtetet e Bashkuara kanë ¼ e rasteve të të prekurve nga COVID-19 në gjithë globin dhe renditen në krye të listës globale si për infektimet ashtu edhe për vdekjet.

Organizata Botërore e Shëndetësisë thotë megjithatë se në situatën më të vështirë janë vendet e Amerikës Latine, ku ende nuk është arritur kulmi i përhapjes. Brazili është vendi i dytë në botë pas Shteteve të Bashkuara me mbi 1 milion të prekur e rreth 54 mijë të vdekur.

Prej më shumë se dy javësh, Rusia ka mbi 7 mijë infektime ditore dhe është vendi i tretë në botë për nga numri i të infektuarve.

Në gjithë globin përllogariten mbi 9.5 milionë të prekur prej nisjes së pandemisë, ndër të cilët mbi 485 mijë kanë humbur jetën.

Tv Klan
SUBSCRIBE to ?RTV KLAN? on YouTube for more videos!

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow rtvklan on Instagram: https://www.instagram.com/rtvklan/
Programet e Tv Klan mund t?i ndiqni edhe në faqen https://tvklan.al/programe/