Wake Up/ Një propozim surprizë për martesë në 500 lartësi me balonë, live në Wake Up

Prej gati dy vitesh tashmë, Belshi është kthyer në një nga zonat turistike më të frekuentuara sidomos gjatë fundjavave. Rikonceptimi i qendrës së qytetit e ktheu Belshin në një qytezë të vogël e të bukur buzë liqenit. Impakti i parë ishte tek bizneset aktuale, por edhe të tjera që u krijuan rishtazi. Liqeni i qytetit është krejtësisht i rrethuar nga rrugë pedonale, por edhe korsi biçikletash dhe në liqen ofrohen edhe shëtitje me anije. Liqeni i qytetit nuk është i vetmi, zona e Dumresë numëron 84 liqene karstike të cilat një pamje fantastike mund ta kenë vetëm nga lart. Dhe interesi duket se ka qenë i madh. Pikërisht zonën e Dumresë me pamje nga lart në një shëtitje me balonë kishte zgjedhur Arditi, djali nga Berati për ti propozuar të fejuarës së tij për martesë. E gjitha ndodhi live në Wake Up, ndërkohë që gazetarja e TCH, Bruna Kërçyku po na tregonte këtë atraksion turistik të ofron zona e Dumresë në 500 metra lartësi mbi balonë. Arditi kishte zgjedhur pikërisht këtë mënyrë origjinale që në ditën e tij të lindjes t'i propozonte të fejuarës. Një surprizë që ai pranoi ta ndante me publikun e Wake Up. Sigurisht që ajo tha PO, teksa u përlot nga gëzimi. E cila vajzë në botë do të mund ta refuzonte një propozim të tillë kaq të veçantë, kaq të bukur e mbi të gjitha kaq romantik.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#WakeUp#TopChannel